Meteoescolas 2014-15

Obxectivos

-  Educar en valores como :, traballar en grupo respectando aos compañeiros, ...

-  Traballar as seguintes competencias básicas: coñecemento e interacción co medio físico, tratamento da información e competencia dixital, competencia social e cidadá, aprender a aprender, competencia matemática.

-  Traballar utilizando o método científico: observación, , formulación de hipóteses, traballo experimental para comprobación da hipótese e obtención  de conclusións

-  Estudar o clima no entorno do IES.

-  Aprender conceptos básicos para o coñecemento do clima.

-  Medir e anotar datos de temperaturas, presións e precipitacións na estación meteorolóxica situada no recinto do IES, durante o curso 2014/15 e publicalos na web de MeteoGalicia.

-  Fixar contidos estudiados o curso pasado e preparalos para o seguinte (Referimonos a o alumnado de 2º da ESO que participa no proxecto)

-  Construir táboas e gráficos  coas medidas realizadas

-  Elaboración de climogramas .

-  Utilización de follas de cálculo .

-  Comparar os datos rexistrados cos doutros centros educativos a través da web de MeteoGalicia.

-  Construción de instrumentos caseiros de medición de magnitudes metereolóxicas

- Visita a estación meteorolóxica

O proxecto se levará a cabo con alumnos/as de de 2º ESO na materia de CSXH  e con alumnado do Proxecto de Diversificación Curricular 1º curso ( 3º de ESO), así como tamén alumnos/as de 4º de ESO na materia de FÍSICA E QUÍMICA 

Obxectivo cumprido !!! 

Grazas a todo o alumnado e  profesor@s participantes neste proxecto

_________________________________________________________

ACTIVIDADE 1: Medicións, instruccións:

ACTIVIDADE 1: Coñecemento e manexo dos instrumentos de medida da estación meteorolóxica.

1)   Obxectivos:

a)    Explicar os distintos instrumentos de medida da estación meteorolóxica.

b)   Coñecer e poñer en práctica o protocolo de toma de datos meteorolóxicos.

2)   Procedemento:

a)    Exposición na aula, mediante presentación Power Point, das características e utilización dos instrumentos de medida.

b)      Aplicación práctica da información obtida baixo a supervisión dun profesor.

ACTIVIDADE 2: Recopilación de Refráns relacionados co clima.

1)   Obxectivos:

a)    Recopilar refráns no ámbito familiar relacionados co clima

b)   Interpretar os refráns

2)   Procedemento:

Os alumnos de 2º ESO recopilan refráns implicando a seus avós , pais, veciños, 
amigos,..... , relacionados co tempo e co clima  traballando individualmente no 
2º trimestre do curso 2014-15.

Recollidas todas as propostas , fixeron unha selección por estacións.

Leidos os refráns, interpretáronos

  

ACTIVIDADE 2:

OUTONO

• En decembro, xean as canas e asan as castañas
• Por Santos, neve nos campos
• De Santos a Nadal é inverno de verda
• Por Santa Lucia medra a noite e medra o día
• Outono quente, leva o demo no ventre

INVERNO

• Choivas en Xaneiro, traén ano de diñeiro
• Xaneiro quente, trae o demo no ventre
• En xaneiro non te separes do braseiro
• No mes de xaneiro pon os pés no braseiro
• Febreiro ten vinte e oito, se tivese máis catro non paraba can nin gato
• Auga de febreiro, mellor que a de xaneiro
• Se a Candelaria chora, vai o inverno fóra. Cando a Candelaria ri, o inverno está por vir
• Se xea por San Blas, trinta días máis
• Se non chove en febreiro, nin gando nin bo sementeiro
• A quince de marzo dá o sol na umbría e canta a andoriña
• Marzo marzal pola mañá cara de can, pola mediodía cara de raiña e pola noite sega coma unha fouciña
• Marzo marzal, pola mañá cara de risa, pola noite cara de can
• Cando chove e venta o inverno entra. Cando chove e encora o inverno vai fóra
• Neve na lama, chuvia na cama
• No entroido na casa, na páscoa na casa

PRIMAVERA

• Cando marzo é ventarrón, abril é chuviscón
• Se en marzo maiea, en maio marcea
• Marzo escarbaroso, abril chuvioso
• Marxo ventoso e abril chuvioso, fan maio florido e fermoso
• Abril augas mil e todas caen nun barrils
• Abril mollado, de páns ven cargado
• Abril augas mil
• No mes de abril, foxen os porcos ao cubil
• Ata o corenta de maio non te quites o saio

VERÁN

• Por moito que queira ser, en xullo pouco ha chover
• Se en xullo non vén treboada, habera mala anada
• Xullo normal, seca todo o manantial
• Agosto mollado, neve todo o ano
• En agosto secan os montes e en setembro as fontes
• Setembro, ou seca as fontes ou leva as pontes
• A chuvia de agosto mata o mosto
• Golfiños que moito salta, vento traen e calma espantan
• Tarde de arcos, mañá de charcos
• Ceo empedrado, chuvia decontado
• Cando chove miudiño, o arco da vella aparece no camiño
• sol sen sombreiro, nin en agosto nin en xaneiro
• Ceo escamento, chuvia ou vento
• Rubias ao mar, vellas a sollar. Rubias ao Miño, vellas ao niño
• Rubias na Franqueira, vellas á borralleira
• Nubes na montaña, vellas á borralla. Nubes na ribeira, vellas na raxeira
• Lúa nova con treboada, ata oito días nada
• Lúa chea e mollada, trae dez días de augada
• Lúa nova treboada, trinta días vén mollada
• Tronos con lúa nova,  prepárense para que chova
• Neve na lama, chuvia na cama
• Xiada na lama, auga na cama
• Vento do norte, auga forte
• Norte escuro, vendaval seguro
• Ano de nevadas, ano de fornadas
• Cando chove e hai sol anda o demo por Ferrol
• Gaivotas na porta, mal tempo na horta
• Gaivotas ao mar, mariñeiros a traballar. Gaivotas á terra, mariñeiros á merda

   

ACTIVIDADE 3: Representación gráfica de Refráns

1)   Obxectivos:

Interpretar e representar graficamente distintos refráns seleccionados

2)   Procedemento:

a)      Os alumnos/as de 3º PDC seleccionaron distintos refráns dos recopilados anteriormente

b)      Fixeron en grupos de dous unha interpretación gráfica dos refráns para logo imprimilos e plastificalos para a Exposición de Fin de Curso

ACTIVIDADE 3: Representación gráfica de Refráns

Choivas en xaneiro, traen auga de  diñeiro.

Marzo marzal pola mañá cara de can,

polo mediodía cara

de raiña e pola noite sega, coma unha fouciña.

Gaivotas ao mar,mariñeiros a traballar.

Gaivotas á terra,mariñeiros á merda.

Ata o corenta de maio non te quites o saio

Se non chove en febreiro, nin gando nin bo sementeiro.

Lúa nova treboada, trinta días vén mollada.

Xaneiro quente, trae o demo no ventre

O Sol sin sombreiro, nin en Agosto, nin en Xaneiro

Setembro ou seca as fontes ou leva as pontes

Abril augas mil  e  todas caen nun barril

Cando chove miudiño, o arco da vella aparece no camiño

Golfiños que moito saltan,vento traen e calma espantan

En xaneiro non te separes do braseiro

En decembro, xean as canas e asan as castañas

Nadal chuvioso, xaneiro ventoso.

No mes de xaneiro, pon os pes no braseiro

No entroido na casa, na páscoa na casa

ACTIVIDADE 4:  Construir instrumentos de medida con materiais de refugallo

1)   Obxectivos:

a)    Entender como funcionan os distintos aparellos de medición de presión e forza do vento.

b)   Construir instrumentos de medida de magnitudes metereolóxicas

2)   Procedemento:

a)    No primeiro e segundo trimestre , de modo individual ou  en grupos, o alumnado de 2º C , elaborou instrumentos de medición caseiros a partir de mateiral que colleron nas súas casas de refugallo

b) Os alumnos/as explicaron o procedemento de fabricación dos aparellos e o seu funcionamento na aula diante do resto dos compañeiros/as

c) O material recollido pasou a expoñerse no departamento de Historia e máis tarde na exposición de METEOESCOLAS no vestibulo do centro

ACTIVIDADE 5: Elaboración de un blog: quechova.blogspot.com.es

1)   Obxectivos:

Coñecer o tempo e o clima utilizando novas tecnoloxías

2)   Procedemento:

O alumnado de 2º ESO coa supervisión da profesora creou o blog onde se recollen en distintos apartados: datos meterolóxicos, climogramas, curiosidades da meteroloxía, videos de tempo e clima, experimentos, tarefas e fotografias, exposición fin de curso...

 O enlace é o seguinte:  www.quechova.blogspot.com.es

ACTIVIDADE 6:  EXPOSICIÓN FIN DE CURSO

1)   Obxectivos:

a)    Dar a coñecer o traballo feito polos alumnos/as que participaron neste proxecto e acercar a meteroloxía ó resto do alumnado do centro

2)   Procedemento:

Na montaxe da exposición participaron todos os alumnos/as do proxecto,  2º ESO, 3º PDC e 4º ESO.

Cada grupo na aula preparou a súa parte e logo fixose a exposición en conxunto, no vestibulo do centro.  Nos mapas elaborados tanto de tempo como de temperaturas, foron os propios alumnos os encargados de cambiar diarimente e actualizar os datos .

ACTIVIDADE 7:  ELABORAR UN CLIMOGRAMA

1)   Obxectivos:

Coñecer o clima anual (ano 2014) dunha zoa de Vigo proxima ó centro

2)   Procedemento:

Primeiramente os alumnos de 3º PDC recolleron os datos  de temperatura e precipitación do ano 2014 da estación metereolóxica do Campus de Vigo en Meteogalicia

A continuación calcularon as medias mensuais de temperatura e precipitación e construiron unha taboa.

Por último elaboraron o climograma correspondente e estudaron, contrastaron e comentaron a gráfica

ACTIVIDADE 8: Comparación entre as precipitacións de estacións meteorolóxicas próximas á costa atlántica galega e outras do interior de Galicia.

1)        Obxectivos:

a)    Utilización de follas de cálculo informáticas.

b) Observar diferenzas entre estacións meteorolóxicas próximas á costa galega e outras do interior de Galicia.

2)        Procedemento:

a)    Utilízanse os datos de precipitacións de febreiro e marzo, publicados na web de meteogalicia que se copian a unha folla de cálculo informática.

b)   Calcúlanse as precipitacións totais e faise unha representación gráfica.

3)        Observacións e conclusións:

Salvo os fortes temporais habidos en Vigo, observase como as precipitacións son moi abundantes para as estacións meteorolóxicas próximas á costa galega e moito menores para as estacións do interior de Galicia.

Exposición Fín de curso